مجموعة فيتامين سي من بودي شوب ~

*

السلام عليكم ..

اليوم تدوينتي عن المجموعه الجميله من ذا بودي شوب

مجموعه فيتامين سي .. المجموعه تناسب اغلب البشرات يعني ان شاء الله راح تحبوها ♥

راح اتكلم عن اربع منتجات جربتها 

بسم الله نبدا ♥

Vitamin c 

Facial cleansing polish 

مقشر وملمع بخلاصه فيتامين سي ♥

جدا رائع هذا المقشر حبيباتو صغيره وابدا ما تضر او تجرح البشره اكثر مقشر احبو من عندهم

 وما استغني عنو دائما اخذ منو واحسو دائما مخلص ♥

ريحتو جميله ريحه اورانج حمضيات احسها منعشه جدا جدا 

طريقتو تبللي وجهك بالمويه وبعدها تبداي تحطي المقشر بوجهك وتحركي بحركات دائريه 

بحيث تعملي تقشير للبشره وفي نفس الوقت يعطي نظاره 

معروفه فوائد فيتامين سي من خصائصها انو تعطي لمعه صحيه للوجه ♥

وبعدها تجففي وجهك وتستخدمي البخاخ في الصوره اللي بعدها ♥

vitamin c 

Energising face spritz 

معطر ومنشط للوجه للبشره الباهته من فيتامين سي ♥

البخاخ هذا جدا رائع يعطي انتعاش واضاءه للبشره جدا احسو يناسب البشره التعبانه 

يخلي مظهرها صحي وتقدري تبخيه في اي وقت اذا حسيتي بشرتك تحتاج اضاءه 

اكثر شي استخدمو بعد ما اقشر وجهي او بعد ما احط ماسك او قناع جدا يعجبني ♥♥♥

Vitamin c 

Glow Boosting moisturiser 

 Hydratant activateur D'eclat 

مرطب للبشره من نفس المجموعه ♥♥♥

قوامو جل بحيث تمتصو البشره بسهوله طبعا في الصوره مو باين الا اخر الاثار ههههههه 

خلصتو عشان كذا قلت بعد ما اخلصو اتكلم عنو ♥

حبيت ترطيبه واحسو يعطي نظاره للبشره تحسيها صحيه بعد ما تصحي الصباح 

استخدمو اكثر شي في الليل لونو اورنج وريحتو خفيفه مو مزعجه ريحه برتقال ♥♥ 

Vitamin c

Eye Reviver duo & Duo vitalite Yeux 

قلم عباره عن جل وكريم مرطب لاسفل واعلى العيون ♥

يجي جهتين جهه لتحت العين وجهه لفوق العين ♥♥♥

الراس اللي على اليمين اللي شكلو زي الفرشه هذا لاسفل العين وهو الكريم المرطب 

يرطب تحت العين بحيث انو ما تكون جافه ومع الاستخدام يفتح تحت العين الهلات 

من ناحيه الهالات ما شفت تفتيح يذكر لكن الترطيب حلو مره ♥♥

نجي لليسار هذا لفوق العين الجفن راسو كروي بحيث تحركي على الجفن 

ملمسو جدا ناعم وخفيف لونو شفاف يرطب لك فوق العين عشان يعطيها نظاره  ♥♥

بس تستخدميه وقت النوم عشان يعطي مفعوله ♥♥

جميل المنتج بس مشكلتو انو بس 6 شهور وتتخلصي منو حتى اذا كان باقي 

لانو منتجات العيون اغلبها عمرها يكون قصير >< 

ما افكر اخذو تاني مو ما حبيتو في كثير منتجات نفس الفكره فحسيتو عادي 

الا اذا تبغي ترطيب حلو فخذيه ♥♥

*

وبس خلصنا الريفيو عن المنتجات الاربعه من فيتامين سي ♥♥

اتمنى انكم استفدتم وحبيتم التدوينه لانو جد تعبت فيها ♥ 

اكتبو تحت في الكومنت اي منتج عجبكم 

 ( المقشر - البخاخ - المرطب - كريم العين  )

في أمان الله ♥ ~