منتجات كوريه أحبهاا ♥

*

السلام عليكم .. 

اول موضوع في المدونه حيكون عن منتجات احبها وطبعا كوريه ♥

هيا 6 منتجات من ماركات كوريه مختلفه 

نبدا بسم الله 

حبدا بماركه موجوده عندنا واللي هيا  ذا فيس شوب 

DESIGN MY EYEBROW

قلم حواجب من ذا فيس شوب 

جدا رائع اجمل قلم حواجب بالنسبه ليه رسمو سهل ولونو واضح جدا 

هو راسين راس فيلو فرشه عشان ترتبي فيها الحاجب والثانيه القلم 

طبعا راس القلم يجي مشطوف عشان يسهل عليكي الرسم 

انصحكم فيه بس خذو كم واحد منو لا جيتم تشتروه لانو احسو اكثر شي يخلص عندهم ><

وسعرو جدا جميل 20 ريال 

RICE Ceramide

كريم مرطب من مجموعه الارز من ذا فيس شوب 

ما تعرفون قد ايش احب هذا المرطب احسو ينفع لاي وقت 

استخدمو اكثر شي في الليل لانو يمتص البشره بسرعه وغير كذا ترطيبو جدا عالي 

كمان ينفع للصباح لانو زي ما قلت تتشربو البشره بسرعه وهذا احلى شي في الكريم المرطب 

حجمو صغير بس يكفي شهر او على حسب استخدامك ♥

WHITE MUD . NOSE PACK

جل لازاله الروؤس السوداء من ذا فيس شوب 

هو فكرتو جديد في ازاله الروؤس السوداء عباره عن جل ابيض توزعيه على الانف 

وتخليه عليها لمده 30 الى 40 دقيقه يعني لين ما تحسيه نشف 

وبعدها تشيليه بيدك او باسفنجه 

الحلو فيه انو جد يخلي الانف نظيف يشيلها من قلب 

بس مرات احسو متعب في التوزيع مدري لانو احب اللصقات اكثر 

اهم شي انو نتيجتو فضيعه ♥♥

Lovely . MILKY TINT 

تنت وردي من ذا فيس شوب 

خلاص هذا اخر شي من فيس شوب ههههههههههه

                                      لا بس جد التنت جدا لونو جميل وثابت في الفم يعني يثبت 2 الى 3 ساعات  

                                 احب الالوان اللي زي كذا تخلي لون الفم وردي طبيعي وريحتو جميله جميله جميله ♥♥

NATURE REPUBLIC 

ALOE VERA 

جل الصبار من ناتشورال ريببليك ♥

افضل منتج عندي واللي ما اقدر استغني عنوو حب ابدي ♥♥♥♥

منتج جدا مشهور ويستاهل الشهره لانو فكرتو جميله واستخداماتو كثيره .

استعمالاتي له احب ارطب وجهي بعد ما اخرج من الشور جدا يعطي انتعاش بارد وحلو ♥

وكمان احب احطو تحت عيني يبرد منطقه العين اذا كانت تعبانه ويقولون مع الوقت يخفف الهالات حولين العين 

وكمان احطو في اطراف شعري اذا ابغى ارطبها ويخليها منظرها صحي وما هو منفوش ♥

طبعا هذي الماركه مو عندنا مع الاسف الشديد وتحصليه عند المتاجر وفي المواقع الكوريه 

Panda's Dream . So Cool Eye stick 

ستيك خاص لمنطقه العيون من تولي مولي 

هو وظيفتو انو يشد ويرطب  ويزيل انتفاخات منطقه العيون ويخليكي تتخلصي من الهالات اللي تشبه الباندا 

زي ماهم مسووين شكلو الكيوت ♥♥♥

بس من ناحيتي احسو اكثر شي يرطب وهذا المهم 

ترطيبو حلو استخدمو قبل النوم واحس عيوني مرطبه 

احساسو جدا رائع وبارد احسو ينفع للي عيونها دائما تعبانه 

طريقه استخدامو انو توزعيه حولين الهالات وتطبطبي بيدك خفيف لانو المنطقه هذي حساسه 

يعني بطرف اصباعك على خفيف ♥♥

___________

تولي مولي تحصلونها اكثر شي من المتاجر او اون لاين 

بس فتح عندنا في جده اخيرا في الاندلس مول ♥♥

ما تدرون قد ايش انبسطت انو فتحت ماركه كوريه ثانيه عندنا وعقبال الباقي ♥♥

*

وبس ان شاء الله انبسطتو واستفدتم من الموضوع ..

واتمنى اشوف تعليقاتكم الحلوه وايش افضل منتج حبيتوه ♥♥

في أمان الله ♥ ~