ارواج ايتود هاوس .

السلام عليكم .. 

ريفيو اليوم عن أرواج ايتيود هاوس المختلفه .. 
هذي المجموعه اللي عندي وراح اعطيكم راي فيها ♥

ونبدا بسم الله ♥ ~

Rosy tint lips 

هذا هو الحب الأبدي جدا جميل ولونو ثابت وقوي صراحه كل شي فيه جميل 
حبيت درجه اللون مو مطفي بس ثباتو رائع ♥

هو يجي على راسو على شكل اسفنجه وانتي تضغطي وتوزعيه على فمك اعترف انو في البدايه كنت مو مقتنعه باللون 

لانو كنت ابغى اللي لونو فوشي غامق ووكان سولت اوت بس غامرت واخذت اللون هذا بس الحمد لله طلع حلو ♥

Dear my wish 

اعترف انو جذبني شكلو اولا هو روج كريمي ميه بالميه اغلب الناس ما تحب الكريمي عشان ثباتو في الفم
بس ثباتو حلو ولونو قوي قوي ما توقعت بيكون لونو واضح مره وعلى روج كوري ♥♥

اللون واضح عودي غامق بس مو اللي غامق مررره ولا الفاتح
لانو صراحه نادرا ما تلاقي روج من ماركه كورية ويكون لونو كذا ممتاز عودي جاي على مزاجي ♥♥♥

Sugar tint Balm 

مرطب ملون ما اقدر اوصف لكم قد ايش جميل هذا المرطب واحسو ينفع للصباح جدا رائع
 وكمان مستحيل تلاقي مرطب لونو واضح زيو ♥

وعاد هذا اللون عودي بس مو اللي غامق مره ♥♥♥

نجي لترطيبو الترطيب ممتاز اعطيه عشره من عشره والاحلى كمان انو ثابت يعني يثبت من 2 الى 3 ساعات  ~

****

وبس هذا الريفيو عن الارواج الجميله 

وان شاء الله استفدتم منوو♥♥ 

اكتبولي تحت ايش افضل واحد حبيتوو 

تعلقاتكم راح تسعدني كثيراا ..

في أمان الله ♥ ~