ماسكات سكين فوود .

السلام عليكم ~

زي ما انتم شايفين في العنوان والصوره راح اتكلم عن ماسكات سكين فوود الرائعه 

اللي راح اشرحها لكم الثلاثه الماسكات السكر البني والارز والفراوله 

طبعا الماسكات فوائدها كثيره تصفي البشره وتعطيها اشراق ونظاره وصفاء حلو وتغذي فيسك 

والماسك او القناع يعتبر شي اساسي في روتين عنايتك ببشرتك يعني استخدميه مرتين في الاسبوع عشان تعطي بشرتك التغذيه اللي تحتاجها .. وحتى اذا بشرتك طبيعيه ومافيها ماشاكل لازم ماسك معذيه لازم تعذيها زي ما تغذي جسمك وشعرك وغيرو من العنايه 

نبدا بالماسك الاول الشهير ماسك السكر البني .

SKIN FOOD 

Black Sugar Mask 

وصف المنتج :

- قناع السكر الأسود غسول ومقشر , غني المعادن والفيتامينات , يقشر الجلد الميت بفعالية و ينشط ويجدد البشرة , يزيل الرؤوس السوداء , يغذي البشرة وينشطها .

ماسك السكر البني الشهير من سكين فوود يا الله قد ايش احب هذا الماسك وهذي العلبه الثانيه اللي اخذتها 

يعتبر هذا الماسك الاكثر مبيعا في سكين فوود هو عباره عن مقشر وماسك في نفس الوقت ويرطب البشره 

الحلو فيه يوفر تغذيه جدا ممتازه لبشرتك وتحسي بعد ما تغسليه بشرتك كذا تتنفس ونظيفه مره 

تقشيرو خفيف يعني سكر ناعم بس شويه ثقيل حلو ملمسوو الحبوب اللي فيه لطيفه جدا وتذوب مع المويه على طول 

توزعيه على بشرتك وتخليه عشره دقايق او 15 دقيقه وتشطفيه وبعدها تنشفي بشرتك وتحطي مرطبك 

SKIN FOOD 

Rice Mask 

وصف المنتج :

- قناع الزر لغسل الوجه , يحتوي على مستخلص الأرز الذي يرطب ويضيء البشرة , يترك البشرة مشرقة وناعمة وبراقة , هذا القناع هو من المنتجات الأكثر مبيعا في كوريا وعلى مستوى آسيا , مناسب لجميع أنواع البشرة . 

ماسك الارز من سكين فوود مره حبيتو خصوصا انو ناعم على البشره واعشق شي فيلو ارز لانو جدا غذاء للبشره 

والارز يعطي اشراقه وصفاء جميل للبشره استخدامه نفس السكر اوزعه على بشرتي واخليه ربع ساعه 

مرات اخليه نص ساعه لين ما اشوف الماسك اختفه ما بقي شي فيه هو لونه ابيض بس بعدين يختفي تدريجيا لانو اكيف اوصف لكم ابيض فاتح ههههههههههههههههههههههه .

احب شعور بعد ما اغسل وجهي احس فيه نظاره حلوه للوجه ويرطب خصوصا البشرات الجافه راح يعجبها كثير 

 من الماسكات اللي صرت احبها في سكين فود بعد السكر 

SKIN FOOD 

Strawberry Mask

وصف المنتج :

ماسك مقشر للبشرة يعطي البشرة ملمساً ناعماً ونظيفاً يحتوي على السكر الأسود و على بذور وزيت الفراولة مما يعطي رائحة الفراولة المنعشة.

ماسك ومقشر الفراوله من سكين فوود .. احلى شي فيه ريحتو منعشه اعشق ريحه الفراوله وريحتها جد فراوله كذا طبيعيه كانها معصوره وحاطينها في العلبه الريحه لوحدها انتعاش 

فوائد الفراوله كثيره تعطي البشره انتعاش وصفاء حلو وتخلي البشره ناعمه وخاليه من الشوائب وكمان تقلل الجفاف وتعطي ليونه للبشره ومناسب لكل انواع البشره 

نفس طريقه الماسك توزعيه على وجهك وتخليه 15 دقيقه وبعدها اشطفيه .. وكمان يستخدم لتقشير الجسم يعني اذا حابه تقشري يدك ورجلك استدميه يعني خذي شويه منه على يدك مع المويه وبحركات دائريه قشري احساس جميل ورائحه رائعه .

*

وبس اتمنى الريفيوز افادكم  .. 

واكتبولي اذا استخدمتم ماسكات سكين فود ايش اكثر واحد عجبكم ؟؟

قوود باي يا جميلين  ~