زينه رمضانيه + جدول لختم القران ♥

السلام عليكم ♥ ..

كيف حالكم جميعا ان شاء الله طيبين ♥♥♥

وكل عام وانتم بخير ورمضان مبارك للجميع ♥ 

راح اوريكم اليوم ايشش سويت زينه رمضانيه لغرفتي انا كل سنه بسوي زينه بسيطه من تصميمي

وهذي المره سويت زينه جديده وراح انزلها لكم عشان تزينو غرفتكم فيها ♥♥♥

فاليوم راح اوريكم بالخطوات الزينه حقتي وان شاء الله تحبوها ♥

اول شي هذي الادوات اللي راح استخدمها ..

مقص + خيط او شريطه المتوفر عندك + مشابك صغيره 

او اذا ما عندك مشابك تقدري تلصيقها على خيط و بالصصق تثبتيها من وراء 

هذي الصور راح انزلها لكم في الملف وحملوها ♥♥♥

طبعا بعدها تقصي اشكال الحروف كلها راح يتكرر معانا حرف A  

يعني اطبعي الحرف 3 نسخ  وقصيه عشان يصير عندك 3 

وخلاص بعد ما قصيتها رتبت حروف رمضان واخذت المشابك الصغيره وثبتها على الخيط 

وراح تخلي اطراف شويه من الجنبين عشان تثبتيها في الجدار او اي مكان حابه تحطي فيه الزينه  ♥

وهذا الشكل النهائي انا علقتها في غرفتي وخليتها بهذي الالوان لاني احبها ♥♥♥

ونجي ذحين للموضوع المهم اللي هو الختم  ♥♥♥♥ .. 

ان شاء الله كلنا نختم القران الكريم في رمضان اكثر من مره 

ولازم نحاول ننظم وقتنا بالقراءه عشان نختم في اسبوع ♥

طبعا الجدول اللي عملتو هو جدول معتمده عليه من كم سنه ومقسمه فيه القراءه 

وبهذا الجدول ان شاء الله راح تختمي في اسبوع 

بشرحلكم طريقه الجدول طبعا في الخانه الاولى فيه اليوم والتاريخ تكتبي فيها 1 رمضان السبت 

وبعدها اليوم الثاني والثالث والرابع الين توصلي السابع اللي هو اخر يوم في الاسبوع ♥

بعدها الخانه الثانيه فيها اوقات القراءه وعدد الصفحات اللي راح نقراها 

يعني نقرا الظهر مثلا 4 صفحات وتكون كامله يعني وجه وقفه ونكمل العصر 4 والمغرب 9 وهكذا لين نخلص 

ومقسم على عدد الصلوات الظهر العصر المغرب العشاء والوتر والفجر ♥♥♥♥♥♥

وبعد ما تقراي حطي صح على كل وقت قراتي فيه يعني الظهر قراتي الاربع صفحات حطي صح وكل وقت نفس الشي ♥

والخانه الاخيره اللي هيا الاجزاء مكتوب فيها كم وصلتي جزء في القران ♥

وزي ما قلت تصميم الجدول  من مجهودي ومعتمده عليه  ♥♥♥♥ 

انا طبعتو 4 لانو الشهر فيه اربع اسابيع وانتي اطبعيه حسب ما تبغي كم مره تختمي القران 

بس شعور حلو انك تختميه اكثر من مره وتستغلي وقتك في رمضان بشي حلو زي التختيم  ♥

~~~~~~~~~~~~~~~~~~~~~~~

وهذا رابط التحميل في الملف موجود الزينه وجدول التختيم ~

https://www.4shared.com/zip/qRUqG9Dqca/__online.html?

انسخو الرابط وحطيه في المتصفح وحمليه عندي كنت بحطه رابط مباشر بس عندي مشكله في المدونه X

*

وبس اتمنى حبيتم التدوينه ويارب افدتكم فيها وجد والله الموضوع تعبت فيه كثير بس تستاهلون ♥♥♥

ولا تنسو اول ما تصورون الزينه او الجدول ترسلون ليه صوره سوا سناب 
او انستقرام ولا تنسو التاق عشان احتفظ فيها وتفرحوني ♥

اكتبولي هل حبيتم الزينه الرمضانيه حقتي ؟ ومييييييييين راح يبدا يختم معايه بنفس الجدول ؟؟ ♥

وكل عام وانتم بخير مره ثانيه ♥

ومع السلامه ♥ ~