السلام عليكم ♥ ..
تدوينه اليوم عن مفضلاتي لشهر فبراير زمان ما حطيت لكم مفضلات
العاده انزلها لكم في السناب على السريع ♥♥♥
بس حبيت اخليها هذي المره بالمدونه عشان يكون شرحها مفصل ♥
*
يلا نبدا ♥ ..
ماسك الارز والجيسينغ من ذا بودي شوب
طبعا قبل فتره بودي شوب اطلقو مجموعه ماسكات من مواد طبيعيه خاليه من المواد الكيمايئيه والبرابين
هيا عباره عن خمسه ماسكات مختلفه تناسب اغلب البشرات حتى الحساسه حسب علمي ♥
بس اكثر ماسك حبيتو من المجموعه كلها والنمبر ون هو هذا اللي بالارز والجيسينغ ♥♥♥
حتى افتكر اول ما شفتو في الايفينت كنت متحمسه اجربو اول واحد
لانو كانت عندي خلفيه عنو اول ما طلع برا ♥♥♥
الماسك قوامه ثقيل جد تحسي ارز مطحون وفيه ريحه الجيسينغ طاغيه ♥
الارز فوائده كثيره يغذي البشره ويمنع الجفاف ويوحد اللون ويشيل التصبغات بس طبعا مع الاستمرار
انا بالنسبه ليه احط الماسك مرتين في الاسبوع وهو الاساس والاغلب الجمعه اخصص وقت لهذا الماسك
او اي ماسك ثاني بس احب في هذا اليوم بالذات لانو بعد تعب الاسبوع لازم بشرتك تتدلع ههههههههه ♥
وبما انو الماسك مواده طبيعيه فاحرص انو لمن استخدمو اخذ كميه منو واحطها في اي طبق
يعني زي مثلا في الصوره هذا الشي تبع الماسكات اللي يجي معاه فرشه وملعقه عشان تخلطي فيه اي ماسك
والفرشه تكون معاه عشان بس تستخدمي فيها وما تعدمي اي ماسك عندك
لانو كل ما دخلتي الفرشه على العلبه راح تكون معرضه للجراثيم ويتلف المنتج ♥
بخاخ للجسم بالشوفان من فازلين
فكرتو انو بخاخ سريع تبخيه على جسمك وتمتصو البشره بسرعه
يعني الناس اللي مستعجله وحابه ترطيب سريع تبخ منو من بعيد شويه وتوزع على اليد والقدم والجسم
الحلو فيه ما يدهن ولا يدبق يعني سريع الامتصاص بس ترطيبو مو قوي
ترطيب حق كم ساعه بس صراحه احبو ريحتو جميله جدا وتجلس في الجسم
مخليتو كانو عطر بالنسبه ليه ابخ منو في البيت كل ما ابغى ترطيب سريع او اذا كنت خارجه مستعجله بس طبعا ما تعتمديه ترطيب يومي لانو مو قوي زي المرطبات الثانيه لانو كثير ما عجبهم يقولون ما يرطب ابدا
طبعا ترطيبه مو عميق ابدا لانو بخاخ خفيف مو قوامه كريمي عشان يعطي مفعول اللوشن او الزبده ♥♥♥
ماسك الكركم وبذور العنب من كيلز
ما تتخيلو قد ايش عجني هذا الماسك يعطي البشره نور مره حلو تحسيه بشرتك صحيه ♥
قوامه مره خفيف مو من الماسكات الثقيله وفيه بذور العنب معاه
الماسك تحطيه طبعا بعد ما تغسلي وجهك وتخليه ربع ساعه اصلا راح ينشف بسرعه لانو زي ما قلت خفيف
بس ما يروح بسرعه لازم تفركي وجهك يعني بحركات دائريه والبذور اللي فيه تعتبر مقشره
هذا الحجم الصغير يعتبر عينه مو الحجم الاساسي الحجم الاساسي اكبر ♥♥♥
شايفين شكل البذور اللي اقصدها مره حبيتها احسها كمان كانها مقشر
ما شفت انو جفف بشرتي بعد ما شلتها بس لازم بعد اي ماسك تحطي مرطب عن نفسي ابخ مويه ورد وبعدها مرطب ♥
مناديل منظفه من ذا فيس شوب
اتوقع الكل يعرف اني احبها من كثر ما اصورها سناب وانستقرام ههههههههههههه ♥♥♥♥♥
رائعه هذي المنديل تشيل كل المكياج من الوجه بمنديله وحده بس ما تنفع للعين لانو هذي مخصصه للوجه
في منها نوع ثاني مخصص لمكياج العين وسبق وذكرتها في السناب وفي المدونه .
بس هذي قد جربتها لمن كنت حاطه بس كحل وانمسح بس الميك الثقيل حق العين لا ماراح تمسحها مزبوط
المنديل مره قوي ومليان مويه يعني مو الناشف اللي يحسس بشرتك ما شفت منها اي اثار حبيتها مره
ولمن اخلص من وجهي احس بشرتي مترطبه وريحتها مره جميله
العلبه فيها 20 منديل وسعرها رخيص 10 ريال بس
طبعا بعد ما تمسحي المكياج لازم تغسلي وجهك بالغسول وتحطي الكريم المرطب
ما تكتفي بالمنديل لازم تنظيف عميق الى المسامات لانها تشيل الظاهر فقط ♥♥♥♥♥
لوشن برائحه التوت من انسفري
طبعا انسفري ماركه كوريه مو متوفره عندنا مع الاسف فاطلبها من لينو شوب يوفر اغلب البراند الكوريه ♥
مره عجبني اولا ترطيبو حلو وتمتصو البشره بسرعه يعني قوامه مره مره مره خفيف ينشف بسرعه
وثانيا الريحه جميله جدا ريحه توت اعشق ريحه التوت احسها منعشه ♥
قد سبق وقلتلكم عن هذا اللوشن وجد تفاجات فيه لانو اول مره اجرب شي لهذي الماركه ولا اخر مره ♥♥♥
برو بودر كونتور من مكياجي
صراحه مكياجي يوم عن يوم الميك اب حقهم يطور وتصير جوده ممتازه ♥
هذا الشي صار يومي استخدمو شايفين الالون اللي فيه كلها بودر
هذي من مجموعه 22K من مكياجي وطلعو منو درجتين بس هذي رقمها 302 ♥
اضاءه وبرونز واللون اللي في الوسط ينفع كونتور اذا عمقتيه ويعطي لوك برونزي للفيس ♥♥♥
عجبني اللون اللي في الوسط استخدمو اكثر شي والهلايتر لمعته خفيفه وحلوه تنفع كاستخدام يومي والميك اب السريع
ستيك شدو من ذا بودي شوب
يالله صايره استخدمهم كل يوم متخليييييين !!!! مره جميله الوانها ♥
واحب بصراحه الستيك شدو لانو سهل في الدمج واسرع في الوقت ♥♥♥♥♥
يعني اذا ابغى لوك سريع استخدم الشدو الستيك لانو ما يبغالو دمج قوي زي الشدو البودر ♥
اللون البيج استخدمو اكثر غلى الجفن او عند مدمع العين مره احب احط اللمعه عند مدمع العين يعطي العين تكبير طبيعي
واللون الثاني استخدمو تحت العين بدل الكحل مره خورافي ولمعته مو مره قويه البيج اقوى منه
فاللون الثاني استخدمو اكثر لانو احطو بس تحت في اغلب اللوكات
طلعو منها 4 درجات بس هذا اللونين اللي عندي وحبيتهم ♥♥♥♥♥♥
روج سائل مطفي من ماركه جوش
اللي ما يعرف هذي الماركه هيا ماركه من الدرق ستور يعني تعتبر سعرها رخيص وفي متناول ايدي الجميع ♥
يعني زيها زي الماركات الموجوده في كل مكان مثل ريميل ومايبلين وريفلون وغيرها
صارت متوفره عندنا في سنتربوينت بس ما جربت منها الا الارواج المطفيه والسي سي ستيك
بس حابه اقولكم انو هذا اللون مره جميل وعجبني جدا وحبيت قوامه
في البدايه كان قوامه يلصق ما اعرف يعني ما ينشف بسرعه بس مع كذا استخدام صار الوضع تمام
جد جد مطفي وثابتو عالي قعد معايه طول اليوم ولا انمسح او تحدد فمره انذهلت منو ♥♥♥♥♥
خصوصا انو لونه من الالوان اللي احبها واحطها ذائما وصايره احطو كل ما اطلع الدوام
لانو اعرف انو ثابت ولا شفت منو جفاف زي اغلب الارواج المطفيه
ما اعرف سعرو بصراحه لانو وصلني من جوش بس اتوقع سعرو رخيص بما انها درق ستور ♥
مناكير بنك من اتش اند ام
المعروف لا يعرف على قولتهم ♥
اتوقع الكل يحب مناكير اتش اند ام وما يحتاج اشرح مدى جمالها ♥♥♥♥♥
افضل وارخص واجمل مناكير وجودتها حلوه وغير انو الوانها قويه
هذا اللون واقعه في حبه ومعروف حبي للون البنك ♥♥♥♥♥♥♥♥♥♥♥♥
اللون ما يبان من اول طبقه لانو خفبف ارجعي عيدي عليه مره ثانيه مره ممتاز واحب فرشتها سهله في التوزيع وصغيره
احب الفرشه الصغيره غير عن الطويله لانو انا مو من النوع اللي يطول الاظافر
فلمن اجرب فرشه طويله احوس بصراحه لانو ظفري مره صغير وما اعرف اتحكم فيه
ما اعرف اذا احد واجههه هذي المشكله اول لا بس انا واجهتني وما احب الفرشه الطويله
اصحاب الاظافر الصغيره مره اتوقع فاهميني هههههههههههه ♥
اخيرا مفضلات الاكل احب اضيف هذي الفقره لانو اجرب اشياء كثيره واطيح فيها هههههه ♥
شوكلاته كادبوري بالاوريو يالله هذي قصه حب معاها اتوقع طول السنه حتكون في المفضلات ♥♥♥♥♥♥
تفوز بأطعم شوكلاته لدرجه كل العالم في السناب خليته يحبوها معايه ♥
ولا الصوره اللي ترسلوها خاص خليتوها باسمي ههههههههههه الله يسعدكم ♥♥♥♥♥♥
والثاني اللي اكتشفتو موخرا وصار عشق هو براوني من منش ♥♥♥♥
يجي كيس فيه اربع حبات براوني طعمه بشكل مو طبيعي اللي يحبون البراوني راح يعجبهم ♥
اعترف انو ماني من عشاق الكيك لمن يكون شوكلاته احس حالي مره بس هذا حلاه خفيف ولين يذوب في الفم
اطالب منش انو يزيدون في عدد الحبات لانو صراحه تخلصيها بسرعه وانتي ما تدري عن نفسك ههههههههه
*
وخلصنا تصوير وصار الوقت ناخذ بريك ناكل البراوني ♥
وبس اتمنى من كل قلبي انو التدوينه عجبتكم ♥
اكتبولي في الكومنت اكثر شي حبيتوه من مفضلاتي غير الشوكلت طبعا هههههههههههه
تعليقاتكم تسعدني جدا واحب احتفظ فيها ♥♥♥♥♥
واشوفكم في تدوينه قادمه ان شاء الله ♥
مع السلامه ♥ ~
