Glam Box | صندوق قلام بوكس لشهر فبراير.

السلام عليكم ..

موضوع اليوم عن صندوق قلام بوكس 

فكره الصندوق انو يوصلك كل شهر صندوق موجود فيه ادوات تجميل وعنايه وتكون بحجمها الكبير او الصغير 

يعني يكون في الصندوق من 4 الى 5 منتجات 

حبيت فكره الصندوق انو يكون مفاجاة لكي وفي نفس الوقت تجربي منتجات جديده 

اشتركت فيه 3 شهور عشان اعيش التجربه  وان شاء الله اذا حبيت الفكره اكثر اشتركت معاهم ♥
هذا موقعهم ..


http://www.glambox.sa/

طريقه الاشتراك سهله بس اذا حابين اسوي موضوع لها اكتبولي تحت في التعليقات .

نجي لمحتويات هذا الشهر وصلني في الصندوق 4 منتجات و عينات ♥

( واقي شمس , مناكير , سنفره لليدين , رموش , عينه لعطر وغسول منظف للبشره ) ~

Neutrogena Ultra Sheer 

Sun Screen 

واقي شمس من نيتروجينا نسبه الحمايه فيه 30 احلى شي فيه انو خفيف مو ثقيل على البشره

ومطفي ما يلمع على الوجه وضد المويه كمان 

صراحه عليه مدح كثير ويفوز بأجمل واقي شمس منتجات نيتروجينا احبهاا واثق فيها ♥

ريحتو حلوه يعني مو مزعجه او تضايق وصراحه لازم واقي شمس 
خصوصا حاليا داخلين على الصيف فلازم واقي حتى اذا تقولي ما تجي الشمس عليه 
لازم واقي يحمي بشرتك وعشان ما يطلعلك تصبغات وتغير في لون البشره 

ينفع للبشره الدهنيه والمختلطه لانو ملمسو خفيف وما يدبق او يترك طبقه على الوجه .

LCN Nail POLISH 

مناكير لونو جميل مكتوب انها فرنسيه اول مره اشوفها بس لونو واضح ♥

VIZO 

سنفره لليدين والرجلين بالافندر ريحتها جميله طبعا لافندر فاكيد ريحه استرخاء ♥
بس ما قد شفتها ذي الماركه ولا قد استخدمتها . بس شكلها حلوه السنفره راح اجربها 
بس لازم بعد كل سنفره ترطيب ترطيب ترطيب ♥

رموش غريب شكلها عن نفسي مو مره احب الرموش 

بس لمن جربتها حسيت شكلها مره أوفر لانو

 مفرقه وشكلها في العيون غريب جدا ما حبيتها بصراحه ><

عينتين من عطر اتوقع مو موجوده ماركتو عندنا بس ريحتو لا باس فيها وريحتها قويه 

ما اعرف صراحه احدد الروائح بس ريحتها كويسه ♥

عينه من غسول منظف للبشره لسى ما جربتو فمقدر احكم عليه 

* 

وبس هذي محتويات الصندوق حسيتو صندوق جميل يعني لا بأس به 

وان شاء الله الشهر القادم أجمل وأجمل ♥

ان شاء الله استفدتم من التدوينه 

واكتبو تحت ايش اجمل شي عجبكم في الصندوق خليني اشوف اراكم ♥♥♥

تعليقاتكم راح تسعدني جدا ♥

في أمان الله ♥ ~