مجموعه فيتامين اي من بودي شوب ~

السلام عليكم  ♥

اليوم راح اتكلم عن مجموعه فيتامين اي من بودي شوب 

فيتامين اي  = هــ

جد هذي المجموعه احبها .. استخدمت اربع منتجات من المجموعه وراح اتكلم عنها 

بسم الله نبدا ♥

 VITAMIN E 

MOISTURE CREAM 

كريم مرطب للوجه 

المرطب هذا جدا رائع ما استغني عنو يعني كل ما حسيت بشرتي بحاجه لترطيب احط منو ♥

ينفع كمان تحطيه قبل الميك اب عشان ترطبي البشره وتستعد للميك اب ♥

الحلو فيه انو فيتامين اي وفيلو واقي شمس ومخصص للجفاف يعني اللي بشرتها جافة هذا مخصص لها ♥

الكريم مره خفيف ما تحسيه ثقيل او ما تصمتصو البشرة بالعكس مره رائع وخفيف وسهل الامتصاص 

ومفعوله مره جميل اجمل مرطب ♥ ♥

 احسو يناسب جميع البشرات لانو زي ما قلت خفيف وملمسو ناعم على البشره وريحتو لطيفه ♥

VITAMINE E 

AQUA BOOST SORBET 

مرطب لتبريد الوجه 

فكره المرطب انو يعطي انتعاش  وتبريد للبشره .. يعني بعد ما تغسلي وجهك تحطي منو يعطي تبريد للوجه 

الحلو فيه انو يعطيكي تبريد وشي بارد على البشره قوامو جل يعني مره خفيف وجميل ♥

في البدايه حسيت بشرتي ما تقبلتو لانو بشرتي كان فيها كم حبه وتحسست منو 

حسيت ترطيبو كاي ترطيب بس الميزه الوحيده فيه التبريد ..

 يعني المنتج هذا ينفع للصيف عشان يعطي الوجه تبريد وترطيب في نفس الوقت ♥

عن نفسي حسيتو عادي يعني اللي تحب تبرد على وجهها تاخذ منو ♥

VITAMINE E 

OVERNIGHT SERUM-IN-OIL 

زيت سيروم ليلي بفيتامين اي 

هو زيت قوامو جدا خفيف يستخدم وقت النوم عشان يغذي البشره ويعطيها ترطيب ونضاره 

وبشرتك تكون في حاله كويسه .. مكتوب عليه انو تاثيرو يدوم 8 ساعات ♥

احبو جدا ترطيبو رائع هذي ثاني علبه تكون عندي ♥

يعطي ترطيب ونعومه وتصحي الصبح تحسي بشرتك مرطبه وناعمه 

اجمل شي فيه انو صح زيتي بس مو المزعج اللي يجلس في البشره لا تمتصو البشره على طول

 وريحتو جدا حلو يعني ماراح تكون مزعجه عليكي وقت النوم ♥

نجي لطريقه استخدامو .. هو عباره عن انبوله تضغطي على راسها عشان تاخذي الزيت 

تاخذي كم قطره وتوزعيها على بشرتك بالطبطبه وبعدها حركات دائره عشان تتاكدي انو توزع مزبوط 

وعشان تمتصو البشره بسرعه 

حبيت شكل المنتج قطرات عشان تقدري تتحكمي في الكميه ♥

VITAMIN E 

CREAM CLEANSER 

كريم منظف للبشره 

عاد هذا هو  الحب الحب الحب ♥♥♥ 

نمبر ون الى الابدددددد ♥

اجمل منظف للبشره جد ما افتكر كم مره اشتريتو كل ما خلص نطيت بودي شوب واخذت منو ♥

جدا ما استغني عنو .. هو كريم منظف للبشره بس تحطي منو على القطنه وتمسحي وجهك جد ينظف من قلب 

قوامو كريمي يعني وكمان فيلو نسبه ترطيب  مره جميل 

استخدمو كمان في تنظيف مكياج الوجه والله يشيلو بسرعه طبعا مو الثقيل حق الزواجات هههههههههه

بس ممكن يشيلو لانو انا احط ميك اب عادي وينظف وفي نفس الوقت يرطب 

اجمل منتج ليه من مجموعه الفيتامين اي ♥♥

****

وبس هذي تفاصيل  المجموعه الجميله مجموعه فيتامين اي 

ان شاء الله استفدتم وحبيتم التدوينه ♥

اتمنى اشوف تعليقاتكم لانو تعليقاتكم تشجعني وتسعدني ♥

واكتبولي ايش اكثر منتج حبيتو ووممكن تشتروه ♥

في أمان الله ♥ ~