مزيل المكياج من غارنيه ..

السلام عليكم ..

كيف حالكم .. زمان عنكم  ♥♥

اليوم بتكلم عن مزيل الميك اب الغني عن التعريف مزيل غارنيه

المزيل من اجمل المزيلات اللي بستخدمها هذي الفتره 

ليه حاليا سنه جالسه عليه ومرتاحه له ما يحسس البشره ابدا وخفيف لانو مائي وغير كذا يمسح كل مكياج الوجه 

وتقدري كمان تمسحي فيه وجهك في حال علق عليه اوساخ من الهواء اساسا وقت ما تكوني خارجه اكيد البشره بتتعرض لاشعه الشمس والاتربه 

خذي قطنه وامسحي فيها على وجهك وشوفي الخير اللي راح يطلع  >< 

احس المزيل يناسب اغلب البشرات واغلب التعليقات والريفيو عليه جدا ايجابيه ♥♥♥♥♥♥

بنسبه لحجمو مره رائع يكفيكي اكثر من شهرين وزياده كمان حجمو كبير وحلو 

هو مائي يعني حطيه على قطنه وامسحي فيها وجهك 

بس طبعا بعدها لازم تغسلي بشرتك وتحطي التونر والمرطب حقك وروتينك الليلي 

المنتج اعطيه 10 من 10 وبقوه 

تحصلوه في اغلب السوبر ماركت وسعرو جدا رخيص بالنسبه لحجمو 

يعني سعرو ما يتجاوز 30 ريال 

*

وبس حبيت اسوي ريفيو خفيف لمزيل الميك اب اللي احبو 

ان شاء الله استفدتم من الريفيوو 

واكتبولي تحت تجاربكم مع المزيل وهل عجبكم او لا ؟؟

واشوفكم في تدوينه جديده ان شاء الله ~

مع السلامه ♥ ..